Escuela de BailLe

Nel añu 2013 el Grupu de Baille Tradicional Xeitu entama una escuela de baille tradicional asturianu, abierta a toles persones interesaes pola cultura asturiana rellacionada colos distintos tipos de bailles y dances d'Asturies.


Nes clases, de dos hores de duración, ufiértase una pequeña esplicación de cada baille y darréu enséñense les partes y pasos que componen cada pieza. En toles clases cuéntase con música tradicional en directu, como pandereta, gaita, tambor, y en delles clases especiales cuéntase colos mesmos informantes, que toquen en direutu les melodíes trabayaes en clases anteriores.


Anguaño la escuela fórmenla una centena d'alumnos estremaos en tres niveles de dificultá: iniciación, mediu y avanzáu.


Abaxo pueden vese delles imáxenes de les clases y dellos talleres que s'imparten.