Primer DiscU POL XV aniversariU

Pola celebración del so XV Aniversariu, el Grupu de Baille Tradicional Xeitu, decide somorguiase na aventura de grabar el so primer discu de música tradicional asturiana, tresportando asina al so públicu a situaciones d'antes al traviés de los sos cantares.

Nestos quince años de trayectoria, son munchos los cantares que nos acompañaron, y son eses, y otres nueves, les que queremos espeyar nesti formatu. Contamos nel proyectu cola collaboración de dos de los meyores investigadores d'Asturies, Xosé Antón Ambás y Ramsés Ilesies, qu'entá siguen recuperando cantares ya amásdalgunos d'ellos inéditos, van poder escuchase nesti discu.

La grabación realizóse n'Ovni Estudios, Bonielles, Llanera, Asturies, nos meses de mayu, xunu y xunetu de 2019.

N'él recoyéronse cantares de tola xeografía asturiana, d'oriente a occidente, curiando especialmente les característiques llingüístiques de cada zona, la fala cunqueira de Trabáu, peculiaridaes de los vaqueiros d'alzada o'l singular aire del oriente son dalgunes de les característiques que los componentes trabayamos duramente, consiguiendo faer asina un trabayu ensin precedentes.

Va vese que n'Asturies se cantaba para casi toles situaciones. Atopamos cantares para'l trabayu (la siega), para celebraciones importantes (bodes, ramos, dances), cantares de ronda, temes pal baille a lo suelto y a lo agarrao, cantar asturianu y temes instrumentales con gaita y tambor o la tradicional formación denominada “bandina”.

Un momentu de la grabación, una canción de muyeres.

Escoyimos repertoriu de dalgunos de los grandes informantes, igual homes que muyeres, que tuvieron venceyaos al Grupu de Baille Xeitu. Xente anónimo que por aciu la tresmisión oral dexáronnos un patrimoniu que tenemos que facer por caletener nel tiempu. Dalgunes d'estes persones tan importantes pa Xeitu como pa la cultura asturiana ya falten, asina que tamién ye una manera de face-yos el nuesu pequeñu homenaxe n'agradecimientu a eses ayalgues en forma de melodía que nos dexaron.

Escuchando nel estudiu de grabación.

Vídeos durante la grabación

Xeitu na grabación del su primer discu pol su XV Aniversariu. N'Ovni Estudio, Bonielles, Llanera. Valse "Dime dónde vas" (Tresmonte, Cangas). Xunu 2019.

Xeitu na grabación del su primer discu pol su XV Aniversariu. N'Ovni Estudio, Bonielles, Llanera. Xota Vidal (Cangas). Xunu 2019.

Micromecenazgu (Verkami)

Pa poder llevar alantre el proyectu, decidimos publicar una campaña de micromecenazgu na plataforma Verkami, la cual tuvo llugar nos meses d'ochobre y payares de 2019, rematando con ésitu'l so oxetivu. A continuación dexámosvos l'enllace de la campaña y el vídeu promocional de la mesma:

Vídeu promocional del primer CD del Grupu de Baille Xeitu pol su XV Aniversariu. Setiembre 2019.

Rueda de prensa y medios de comunicación

Noticies nos medios de comunicación de la presentación del discu:

Rueda de prensa nel Ayuntamientu d'Uviéu. 20 payares 2019.

Presentación nel Teatru Filarmónica, Uviéu

Resumen de la Presentación nel Teatru Filarmónica. 23 de payares 2019.

Dalgunos de los máxicos momentos vivíos...